Si të bëhesh i/e palumtur: zonat tona të gabuara

Si të bëhesh i/e palumtur: zonat tona të gabuara

Ekziston një premisë e rëndësishme: ne individët, për fat të keq, ndonjëherë jemi “mjeshtra” në mashtrimin e vetvetes, ndërlikimin e jetës sonë, duke na bërë të palumtur.
Dhe të gjitha këto i bëjmë në një mënyrë krejt të pavetëdijshme. Duke zbatuar sjellje, mënyra të të menduarit që në vend që të na lehtësojnë, ato përfundojnë duke krijuar shumë vështirësi në jetën tonë.


Ne e bëjmë këtë në shumë mënyra, por problemi i vërtetë i qënësishëm i gjithë kësaj është mungesa e vetëdijes, dhe është gjithashtu arsyeja e vërtetë që çon në përsëritjen e këtyre situatave për një kohë të gjatë. Dhe ndonjëherë pyesim veten pse ne e gjejmë veten duke përjetuar me përpikëri të njëjtët “Skenarë” …
Ekzistojnë dy mundësi në këtë drejtim: të mendosh që gjërat nuk funksionojnë për shkak të të tjerëve, të situatave. Ose të mendojmë se mbase në atë që ne bëjmë, në mënyrën tonë të menaxhimit ka diçka për të rishikuar, përmirësuar dhe për këtë arsye gjithashtu varet nga ne.
Nëse varet nga të tjerët ose nga rrethanat, atëherë rrjedh se unë jam viktimë dhe vështirë se mund të bëj diçka. Por nëse varet edhe nga unë, atëherë gjithçka ndryshon.
Dhe ka shumë që mund të bëj për të ndryshuar gjërat që nuk më pëlqejnë, marrëdhëniet që nuk më kënaqin, situatat që nuk funksionojnë. Nëse kjo varet nga unë, atëherë unë kam kontrollin, kështu që do të thotë që kam fuqi dhe mund ta bëj.
Si të jesh i palumtur: disa mënyra
•Duke mos qëndruar në të tashmen
Një nga mënyrat më të dëmshme është të jetosh kudo tjetër përveç se në të tashmen. Shumë prej nesh kanë këtë prirje: ata pendohen për të kaluarën dhe një moment më vonë ata jetojnë në një dimension të ardhshëm, atë që do të dëshironin por që nuk është aty dhe mbase vonon në ardhje.
Dhe ata vuajnë për atë që ka shkuar dhe për atë që nuk ka ende. Të gjitha këto, duke harruar për të nderuar dimensionin më të rëndësishëm dhe të vetmin në të cilin mund të veprojmë vërtet, të tashmen. E cila nëse përdoret më së miri, me burimet e duhura dhe këmbënguljen, mund të na japë shumë më tepër sesa mendojmë. Dhe sigurisht shumë më tepër sesa mund të merrnim ndonjëherë duke fantazuar për dimensionet e kaluara dhe të ardhmen.
Pra, një pyetje me të vërtetë e dobishme për të bërë është: çfarë mund të bëj sot me atë që kam?
•Duke menduar se gjëndjet tona shpirtërore na menaxhojnë plotësisht
Kjo ndodh për aq kohë sa ne nuk jemi të vetëdijshëm për faktin se nuk është kështu, që ne mund t’i menaxhojmë ato dhe se ne jemi ata që i lejojmë ata të marrin kontrollin.
Thjesht duhet të mësosh mënyrën e duhur.
Dhe mbi të gjitha të mësosh të qëndrosh me emocionet edhe nëse janë të pakëndshme. Ti dëgjosh ato dhe ti kuptosh se çfarë po përpiqen të na tregojnë, në mënyrë që të mund të veprojmë në mënyrën e duhur.
•Duke mos dashur dhe duke mos u kujdesur për veten
Ne jemi personi më i rëndësishëm në jetën tonë dhe nëse nuk përqëndrohemi në këtë koncept të rëndësishëm, kurrë nuk do të jemi në gjëndje të ndihemi mirë as me veten, as me të tjerët.
Si mund të jemi të lumtur dhe të aspirojmë për një jetë shpërblyese nëse nuk kujdesemi për veten? Ne do ta transmetojmë këtë dhe kjo do të ketë peshën e saj.
Nëse nuk i kushtojmë vlerë dhe rëndësinë e duhur vetes tonë, si mund ta bëjnë të tjerët?
•Duke kërkuar miratimin e të tjerëve
Kënaqësia dhe të qënit i pranuar është një nga nevojat tona themelore. Por kur miratimi i jashtëm, gjykimi i tjetrit bëhet ai që më përcakton, atëherë ne ndeshim një problem që duhet përballur.
Është e nevojshme të konsiderojmë faktin se ne kurrë nuk mund të kënaqemi dhe të pranohen nga të gjithë, dhe se duhet ta jetojmë jetën tonë për veten tonë. Është jeta jonë dhe e jona është përgjegjësia për të bërë atë që na bën të lumtur … në gjithë këtë tjetri ka pak për të bërë
•Të jetojmë jetën tonë në bazë të etiketave të vendosura dhe krijuar nga të tjerët
Kur kemi qënë fëmijë, dikush krijoi etiketa për ne: je i trembur, nuk je i aftë, je i pasigurt…
Edhe sot, pas shumë vitesh, ne ndoshta do të vazhdojmë ta jetojmë jetën tonë të rritur, bazuar në ato etiketa, diçka që në të vërtetë nuk na përket neve. Ndërsa këto fjalë u takojnë atyre që na dërguan këto mesazhe jo për ne.
Në realitet ne kemi veshur një veshje që dikush na ka qepur, por që ne nuk kemi zgjedhur dhe nuk jemi ne. Ne duhet ta gjejmë veten dhe të kuptojmë se kush jemi vërtet.
•Shtyrja
Shtyrja është një nga strategjitë më të përdorura dhe në të njëjtën kohë të dëmshme, për të mos hasur vështirësi, ato që nuk duam ose mendojmë se nuk dimë se si të merremi me të.
Një strategji që mund të bëhet një zakon i vërtetë jo i shëndetshëm. Pasi që nuk ju lejon të veproni, gjeni një zgjidhje dhe e cila me kalimin e kohës minon thellësisht vetëvlerësimin tuaj.
•Të zemërohemi sa herë që gjërat nuk shkojnë ashtu siç i presim ne
Zemërimi në vetvete nuk ndihmon për të përballuar problemet. Dhe duhet thënë se disa nga ne i nënshtrohen lehtësisht përdorimit të kësaj metode.
Zemërimi dëmton edhe ata që e zbatojnë atë edhe ata që e pranojnë atë dhe nuk ndihmon për të zgjidhur asgjë. Mund të kemi ndjenjën e momentit të të ndjehemi më të fortë, mund të manipulojmë me zemërim, por nuk do të marrim asgjë tjetër. Shumë më e dobishme për të kuptuar dhe përballuar problemin në një mënyrë të pjekur. Prandaj, përdorimi i energjisë së zemërimit për të gjetur zgjidhje dhe jo të viheni kundër dikujt ose diçkaje.
Këto janë vetëm disa nga mënyrat se si ne e ndërlikojmë jetën.
Cili është hapi i parë i dobishëm për të bërë?

Merrni vetëdijen dhe kuptoni nëse ndonjë nga këto aspekte është një pjesë integrale e jetës sonë. Dhe filloni me vendosmëri të reflektoni për dobinë e rrugës së ndjekur, mbi avantazhet dhe disavantazhet që rrjedhin prej saj.
Ndonjëherë duhet pak për të ndryshuar dhe për të patur një jetë më të dobishme. Por për ta bërë këtë, duhet të përfshiheni, dhe gjithashtu të pranoni faktin që diçka duhet të rishikohet dhe se kjo varet nga ne.
Sepse ne jemi përgjegjës të vërtetë për zgjedhjet tona, mendimet tona, sjelljet tona. Dhe kur ndryshojmë mund të ndryshojmë pjesën tjetër dhe jo anasjelltas.
Vuajtja është e domosdoshme në atë masë që të bën të kuptosh atë që nuk është e nevojshme. Nuk janë situatat që ju bëjnë të palumtur. Ato mund t’ju shkaktojnë dhimbje fizike, por nuk ju bëjnë të palumtur, mendimet tuaja ju bëjnë të palumtur. Interpretimet tuaja, gjërat që i thoni vetes ju bëjnë të palumtur.
Kush përpiqet për kuptuar problemet e tij, nuk është i çmëndur por shumë i zgjuar! Të gjithë kemi probleme, por kush i drejtohet psikologut dëshiron ti zgjidhi ato!
Si profesioniste, përveç shërbimit online skype; studio.psikologjie, pres në studio në Tiranë  për më shumë se 14 vjet dëgjoj dhe ndihmoj njerëzit konkretisht për të dalë nga situata të vështira dhe për të rimarrë jetën në duart e tyre.