Kush Dëshiron Të Shohë Ylberin, Duhet Të Mësojë Ta Dojë Shiun
Nuk je “I Pafatë” dhe nuk je “I Dështuar”
Etiketat sociale dhe ndikimin e tyre në shëndetin mendor
Që në fëmijëri, shpesh herë fillojmë të përballemi me etiketime të padrejta. Një nxënës që merr nota të ulëta shpesh konsiderohet si “i paaftë” ose “i humbur”. Por a është ky një përkufizim i drejtë? Psikologjia moderne na mëson se pas çdo vështirësie në shkollë mund të fshihen arsye të ndryshme: vështirësi të të nxënit, probleme emocionale, ankth, ose thjesht mungesë mbështetjeje nga ambienti përreth. Jetojmë në një kohë ku ritmi i jetës është i shpejtë dhe presionet sociale janë gjithnjë në rritje, shumë individë përballen me ndjenja të forta të pamjaftueshmërisë, vetëvlerësimi të ulët dhe stigmatizim të brendshëm.
Kjo tendencë për të gjykuar pa kuptuar, për fat të keq, nuk ndalet me fëmijërinë.
Adoleshenca dhe presioni social
Gjatë adoleshencës, etiketimi merr një formë edhe më të dhimbshme. Nëse nuk ke shumë miq, nëse nuk ke një lidhje romantike, nëse nuk ndjek trendet e fundit në modë apo nuk je aktiv në rrjetet sociale, shpesh përballesh me përjashtim dhe përçmim. Kjo fazë e jetës, që duhet të jetë periudha e eksplorimit dhe ndërtimit të identitetit, shpesh kthehet në burim të fortë stresi dhe vetmie.
Doktoreshë Sonila Hoxha thekson rëndësinë e ndërhyrjes së hershme psikologjike për të ndihmuar të rinjtë të përballojnë këtë presion social dhe të ndërtojnë një vetëvlerësim të shëndetshëm.
Rinia e hershme dhe suksesi i matur sipas standardeve të tjerëve
Në fillimet e jetës së rritur, pritshmëritë sociale bëhen edhe më të ashpra. Nëse nuk ke arritur të diplomohesh, nëse nuk ke një punë të qëndrueshme, nëse nuk ke ndërtuar një karrierë, fillon të ndihesh i mbetur pas. Dhe nëse i ke arritur këto, presioni nuk mbaron: duhet të gjesh partnerin/partneren e duhur, të martohesh dhe të krijosh familje.
Nëse ndonjëra nga këto mungon, etiketimi i radhës është gati: “i pafatë”, “i dështuar” apo thjesht “një humbës”. Shumë gra, sidomos, përballen me stigmatizimin e të qenit beqare ose pa fëmijë, sikur vlera e tyre personale matet vetëm nga statusi civil ose numri i fëmijëve.
Nuk Jeni Etiketa Që Ju Vendos Shoqëria
Në shoqërinë shqiptare dhe jo vetëm, ku ndonjëherë paragjykimi dhe stereotipet mbeten të forta, është e rëndësishme të kuptojmë se mungesa e një diplome, një pune prestigjioze apo një familjeje nuk na bën të pavlefshëm.
Nëse dikush nuk ka miq, nuk është sepse është i padenjë për dashuri apo shoqëri. Nëse dikush nuk diplomon në kohë, nuk është i paaftë. Nëse dikush nuk martohet apo nuk bëhet prind, kjo nuk tregon dështim. Janë zgjedhje të jetës, ndonjëherë të vetëdijshme, ndonjëherë të imponuara nga rrethana personale apo sfida të brendshme.
Çdo individ ka një histori unike. Prandaj, përpara se të gjykojmë, le të ndalemi dhe të pyesim: Çfarë po kalon ky person? Si mund të ndihmoj, në vend që të etiketoj?
Ndihma Profesionale e Psikologut
Nëse po lexon këtë artikull dhe ndihesh i mbingarkuar nga ndjenja e pamjaftueshmërisë, mos harro: nuk je vetëm. Studio Psikologjike e Doktoreshë Sonila Hoxha është këtu për të të ofruar mbështetje profesionale, dëgjim aktiv dhe ndihmë psikologjike të specializuar.
Çdo individ ka nevojë për mbështetje emocionale në faza të ndryshme të jetës. Nuk është dobësi të kërkosh ndihmë, përkundrazi, është një shenjë e qartë force dhe vetëdijeje.
Në Studio Psikologjike ofrohet:
- Konsultë psikologjike për adoleshentë dhe të rritur
- Trajtim të problemeve të vetëvlerësimit dhe ankthit social
- Këshillim për menaxhimin e stresit dhe presionit social
- Seanca për përmirësimin e marrëdhënieve ndërpersonale
- Ndihmë për përballimin e stigmatizimit dhe etiketave sociale
Ne e dimë sa e rëndësishme është të ndihesh i dëgjuar dhe i pranuar, pa gjykim dhe pa paragjykim.
Shoqëria jonë ka ende shumë për të mësuar në drejtim të pranimit, mirëkuptimit dhe mbështetjes emocionale. Etiketat si “i pafatë” apo “i dështuar” janë fjalë boshe që nuk përkufizojnë vlerën reale të një individi.
Nëse ndihesh i lodhur nga ky presion dhe kërkon një vend të sigurt për të folur dhe për të gjetur rrugën drejt vetëpranimit, mos hezito të na kontaktosh.
Studio Psikologjike e Doktoreshë Sonila Hoxha është këtu për ty. Sepse çdo histori ka vlerë dhe çdo person meriton të ndihet i pranuar dhe i mbështetur.
Konsulta online nëpërmjet TEAMS, WHATSAPP, VIBER
