Je njeri, është normale
Në një botë gjithnjë e më kërkuese, ku pritshmëritë e jashtme shpesh nuk përputhen me gjendjen tonë të brendshme, është e rëndësishme të kujtojmë një të vërtetë themelore: je njeri, dhe është normale të mos jesh gjithmonë mirë.
Studio Psikologjike në Tiranë është një hapësirë profesionale dhe mbështetëse ku çdo individ pranohet me tërësinë e emocioneve, ndjenjave dhe përjetimeve të veta. Këtu, psikoterapia nuk shihet si luks, por si nevojë njerëzore për mirëqenie dhe zhvillim personal.
Është normale të ndihesh i pasigurt
Të ndihesh i/e trishtuar pa ndonjë arsye të dukshme. Të mos i kesh të gjitha nën kontroll. Të kesh ditë ku ndihesh i/e shëmtuar dhe të tjera kur ndihesh i/e lezetshme. Të mos dish si të reagosh përballë ndryshimeve. Të ndihesh bosh, i humbur apo i pavend. Të mos jesh gjithmonë produktiv. Këto janë përvoja njerëzore universale, jo shenja dobësie.
Secili prej nesh është pjesërisht neurotik – një fakt i natyrshëm dhe i padëmshëm për aq kohë sa pranohet dhe menaxhohet. Një neurozë është çdo model mendimi ose sjelljeje që na pengon të zhvillohemi plotësisht. Kjo mund të manifestohet në marrëdhënie, në punë, në përballjen me emocionet apo në mënyrën se si e perceptojmë veten.
Psikoterapia – rruga drejt kuptimit dhe çlirimit emocional
Qëllimi i rritjes së vërtetë është të kuptojmë veten dhe të punojmë me pjesët tona më delikate. Psikoterapia është procesi që ndihmon pikërisht këtë: të ndërgjegjësohemi për mendimet dhe sjelljet tona, të mësojmë t’i pranojmë ato dhe më pas të ndërtojmë mënyra më të shëndetshme për t’u përballur me sfidat.
Në studio tone, ofrohet ndihmë profesionale për një sërë problematikash, përfshirë:
- Ankth dhe atak paniku
- Stres kronik dhe lodhje emocionale
- Depresion dhe vetëvlerësim i ulët
- Vështirësi në marrëdhënie në çift apo në familje
- Probleme të komunikimit dhe menaxhimit të emocioneve
- Shtrembërime njohëse dhe mendim i tepruar
- Probleme me fëmijët dhe adoleshentët
- Çështje që lidhen me karrierën dhe vetëzhvillimin
Pse të zgjedhësh psikologun?
Të kërkosh ndihmë është akt guximi, jo dobësie. Në momentet kur ndihesh i mbingarkuar, i pafuqishëm ose i ngecur, këshillimi me psikologun është një mënyrë e sigurt për të marrë udhëzimet e duhura. Psikologu nuk jep receta magjike, por ndihmon në ndërtimin e një kuptimi më të thellë për veten dhe jetën tënde.
Në Studio Psikologjike, seancat zhvillohen si live, në ambientet e studios në Tiranë, ashtu edhe online, duke garantuar fleksibilitet për çdo individ.
Jepini përparësi shëndetit tuaj mendor
Nëse keni ndjesinë se po mbani shumë brenda vetes, se mendimet e tepërta ju lodhin, ose nuk dini si të dilni nga një periudhë e vështirë, mos e neglizhoni veten. Shëndeti mendor meriton vëmendje dhe kujdes. Ai është po aq i rëndësishëm sa çdo aspekt tjetër i jetës tuaj.
Psikoterapia është zgjidhja – e përshtatshme për të gjithë, jo vetëm për ata që ndihen “shumë keq”. Sepse ne jemi njerëz, jo të pamposhtur. Dhe ndonjëherë, thjesht na duhet një dorë që të na ndihmojë të ngrihemi sërish.
Është koha për të folur
Studio Psikologjike e Doktoreshë Sonila Hoxha është e hapur për të gjithë ata që kërkojnë të kuptojnë veten më mirë, të rrisin vetëdijen dhe të përmirësojnë cilësinë e jetës së tyre.
Mos prit më. Trajno mendjen tënde, drejto jetën tënde.
